OL DE' 'LLA FéSTA.

Ol dé 'lla fèsta té se laet zò bé.

Ta se pétenet.
te netét fò i òregie.
Ta teet zò i ònge,

anche chèle di pé.

Po té se estèset sò bè,
te métet sò i scarpe béle
e te n'det a mèsa.

Che n'cò g'é la cumuniù del tò neùdì,
chél pìcol.

Ta n'dèt a mèsa e ta scòltét òl prèt,
pò dòpo ta scòltét i paréc,
e pò dòpo ta scòltét i scìor,

afùrsùra.

Ta scòltét tòcc,
come i parla bé.
A tè n'vece te fà màl i pé.

Te toca parlà be anche a tè, n'cò,
parlà de la fésta.

Te sòmeét gnà té.